O Salón, XXI Edición: “O Humor”.

Quen nos ía dicir que a edición XXI do Salón ía acabar aos seis días de empezar, que unha edición que debía rematar na fin de marzo pechase as portas un venres 13, que se tería que reinventar, mudar e transformarse nunha xanela virtual na que iamos celebrar tamén o 2 de abril, Día do Libro Infantil e Xuvenil e o 23 de abril, Día Internacional do Libro. Foron seis días, pero deu para encher Pontevedra de contos, música, arte, poesía, baile, HUMOR e sobre todo, moito AMOR polos libros e a lectura. O Salón aínda continúa, pero neste día tan especial que temos que celebrar o libro desde as nosas casas-gaiola, valla esta peza para lembrar o que empezou a ser, o que puido ser e o que con certeza volverá ser para todos e todas o Salón do LIbro Infantil e Xuvenil de Pontevedra. Vémonos nas redes, pronto nas rúas pero sempre nos seguiremos vendo entre as páxinas dos libros que amamos.
#NonCancelamos #DíaDoLibro
#EuQuedoNaCasa #OrbilQuedaNaCasa #OSalónVirtual #CulturaNaCasa

 

Marcapáxinas de animais, por Bea Gregores

No Salón Virtual non nos cansamos de celebrar o(s) día(s) do(s) libro(s)! Para hoxe convidamos á nosa amiga Bea Gregores, unha das ilustradoras finalistas do Premio Internacional de Ilustración do Salón para que nos fixera unha proposta artística para facermos marcapáxinas para os nosos libros favoritos. Xa veredes que chulísimos lles quedaron! A idea é facermos nos as nosas propias propostas. Poden ser dos mesmos animais, doutros que nos gusten… o do que nos pete, que para iso somos artistas! Grazas Bea por darnos tan boas ideas! (ata nos pode de servir de idea de agasallo para mamá este domingo!)
#NonCancelamos #DíaDoLibro
#EuQuedoNaCasa #OrbilQuedaNaCasa #OSalónVirtual #CulturaNaCasa

 

O día da Terra: xogamos e reciclamos, polo Monitorado do Salón Virtual

Boas, familias! Hoxe celebramos o Día da Terra, ollándoa desde detrás das fiestras. A nosa ausencia, aínda que por tristes razóns, está axudando a eliminar contaminación, contribuíndo ao nacemento de especies en extinción, volvendo limpo o ar, os mares, os ríos… Valla este confinamento para reflexionar sobre o papel nocivo que os humanos exercemos sobre a natureza cando non temos conciencia de que estamos a estragar a nosa propia existencia. Por iso, as crianzas temos moito que enseña ás persoas maiores, podemos crear un modo de vida máis respectuoso, solidario, cambiar hábitos de consumo, cambiar formas de vida, escoitar o que Terra nos está a berrar hai tempo e parece que os maiores se empeñan en non escoitar. Pois nós podemos dar exemplo e facer os nosos xogos reciclando, por exemplo, botellas de plástico. Por algo se empeza, non?

Libros en movemento, polo Monitorado do Salón Virtual

Hai moitos tipos de libros, grandes, pequenos, de medo, de aventuras, ilustrados… A nós gústannos (case) todos, pero hai un tipo de libros que sempre facemos no Salón e este ano na nosa edición virtual non ía ser menos! Seguimos celebrando por adiantado o Día do Libro cunha proposta de FLIP-Book que vos vai FLIPar! Que non? Mirade o vídeo e logo xa nos contades…
#NonCancelamos
#EuQuedoNaCasa #OrbilQuedaNaCasa #OSalónVirtual #CulturaNaCasa

 

Celebramos o Día Internacional do Circo

Merendas divertidas: Caghalletas, polo Monitorado do Salón Virtual

Xa hai tempo que non facemos, no Salón Virtual, unha das nosas “Merendas divertidas”. Por iso hoxe propoñémosvos facerdes— “Caghalletas!”. E que son estas caghalletas? Por para sabelo teredes que ver o vídeo que preparamos para vós. Unha pista, son unhas cousiñas de cor marrón, poden ser de distintos tamaños, formas e texturas, iso xa depende de quen as faga! 😜

#NonCancelamos
#EuQuedoNaCasa #OrbilQuedaNaCasa #OSalónVirtual #CulturaNaCasa

Saúdo e agasallo desde Anxentina: Paula Ventimiglia

Boa tarde familias! Hoxe tivemos unha sorpresa do máis agradable no Salón Virtual. Unha das ilustradoras finalistas do III Premio Internacional de Ilustración do Salón, Paula Ventimiglia, quixo saudarnos desde o seu país, Arxentina e facernos un agasallo xenial. Preparou a súa ilustración para que puidesemos colorear ao noso gusto. Tamén nos falou dunha obra que ten publicada en Galicia: “Morriña” con Hércules de Ediciones, que conta a historia da súa avoa, que foi unha das tantas emigrantes galegas que en Bos Aires. Paula tivo que cancelar a súa viaxe a Galicia por mor da pandemia, pero agardamos que poida visitarnos moi pronto. Grazas, Paula, mandámosche desde Pontevedra bicos e apertas (virtuais, de momento)
Podedes descar gar as dúas imaxes, a orixinal e a que nos preparou para colorear neste enlace:

https://bit.ly/3ekrU5h

Paula Ventimiglia

Día Internacional do Bico

Bicos como balas;
balas de cartón;
balas como bicos;
bicos de algodón.
Son balas de bicos.
Son bicos de cor.
Son bicos de balas.
Balas de candor.
Con este poema do noso amigo querido Antonio García Teijeiro e co vídeo que fixo o súper equipo do Salón Virtual, desexámosvos un amoroso, soleado e feliz día dos bicos. Veña, que en nadiña estamos xa na rúa dando bicos (aínda que sexan polo ar) ás nosas persoas máis queridas!
#NonCancelamos
#EuQuedoNaCasa #OrbilQuedaNaCasa #OSalónVirtual #CulturaNaCasa

 

Quitamedos, polo Monitorado do Salón Virtual

As nosas monis non para de darlle ao maxín. Hoxe traen a proposta de de facerdes un Quitamedos (pero con moito humor). Cando temos medo, o mellor é mirarlle á cara ao medo e sen quen de rirmos del. Queredes saber en que consiste esta proposta? Pos adiante!
#NonCancelamos
#EuQuedoNaCasa #OrbilQuedaNaCasa #OSalónVirtual #CulturaNaCasa

Lanzamento de aro, polo Monitorado do Salón Virtual

Boa tarde familias, como andades? Para esta tarde traémosvos unha proposta creativa e divertida. como ben sabedes, o tema do Salón deste ano foi o Humor e o Circo un dos seus eixos temáticos. Pois ben, mesturando as dúas cousas as nosas monitoras estiveron argallando unha proposta ben interesante para que poidades facer, na vosa casa, lanzamento de aros. Ademais de practicar a puntería dá para exercitardes a imaxinación. Animádesvos?
#NonCancelamos
#EuQuedoNaCasa #OrbilQuedaNaCasa #OSalónVirtual #CulturaNaCasa