A hora do conto. Tatachán!

A partir de 5 anos Reserva a túa praza!

OLLO, ATENCIÓN, MOI IMPORTANTE!

O día da actividade haberá prazas físicas dispoñibles no espazo onde se desenvolva. Para asegurar a túa praza, recomendámosche que a reserves anticipadamente a través da nosa web. Se despois de reservar non podes vir, agradecémosche que nos avises escribindo ao correo-e: reservasalondolibro@gmail.com indicando a actividade, día e hora. Moitas grazas!

Como auténticos ilusionistas crearemos a percepción do movemento alí onde non o hai.

Nos principios do século XIX diferentes científicos crearon obxectos mecánicos para comprobar as teorías retinianas .  Cando estes aparatos cumpriron esa función científica lograron captar a atención e o desexo das crianzas e do público en xeral pola fascinación que provocaba ver imaxes en movemento.

Tras a narración de contos presentaremos diferentes obxectos ópticos dende a súa orixe co thaumatropo até aparellos máis complexos coma o praxinoscopio.

Como testemuña desta experiencia crearemos o noso propio thaumatropo.