Instalación interactiva vertebrada por un obradoiro para que os nenos e nenas (e maiores) viaxen polos eventos máis relevantes da historia dos videoxogos. 40 anos resumidos en 20 fitos: videoconsolas, universo arcade, móbiles, VR, mandos de control únicos, videoxogos que marcaron época e os mellores videoxogos, tamén galegos. O obradoiro divulgo-interactivo que guía O Museo de Videoxogo  – MUVI – é a escusa perfecta para xogar e pasalo ben.

Dirixido a crianzas a partir dos 6 anos e familias os participantes poderán ver, tocar e interactuar con pezas da historia viva da industria do videoxogo. Prazas limitadas.