Cando xogo cando canto!

E para mover o esqueleto… a Banda dos Cueiros en concerto! Achégate a gozar da mañá do domingo con música e contos.
Espectáculo de balde. Acceso libre ata completar cabida.
Público familiar

—– —– —–

O proxecto

A Banda dos Cueiros é unha banda de música infantil que naceu das actividades da asociación Espazo Lectura cun proxecto musical que se enmarca dentro do proxecto de fomento da lectura da asociación. Nacido ao abeiro da actividade Contos en Cueiros no ano 2013, aínda que nun comezo o seu repertorio se restrinxía a temas para bebés de 0 a 3 anos, pouco a pouco foron abrindo o espectro de idade e na actualidade as pezas que interpretan cobren un abano moito máis amplo.