Carapuchiña e os cinco lobiños

De 0 a 3 anos.
Prezo da entrada 3 €

Carapuchiña e os cinco lobiños é un espectáculo de narración oral e música onde a grande protagonista é unha Carapuchiña Vermella que vive unha aventura un pouco diferente. No seu camiño, a falta dun lobo, hai 5 lobiños que son tan pequerrechiños que collen na súa cesta. A combinación da narración de Ángeles Goás e a música de Cristina Castro crea un ambiente no que os máis pequechos da casa estarán entretidos e gozarán coa familia.

OLLO, ATENCIÓN, MOI IMPORTANTE!

Prezo da entrada: 3 €. Podes reservala de maneira anticipada e pagala o día da función. Cada bebé deberá estar acompañado dunha (1) persoa adulta.

Para facer efectiva a reserva de entrada con custe (3€) é preciso efectuar o pagamento na billeteira situada no acceso da actividade (A Cova dos Libros Fantásticos, Pazo da Cultura de Pontevedra). A billeteira estará aberta o mesmo día do espectáculo desde 30 minutos antes da función.

ATENCIÓN: as entradas quedarán liberadas 5 minutos antes do inicio do espectáculo se non foron recollidas antes desa hora. Grazas!

O día da actividade haberá prazas presenciais dispoñibles no espazo onde se desenvolva. Para asegurar a túa praza, recomendámosche que a reserves anticipadamente a través da nosa web. Se despois de reservar non podes vir, agradecémosche que nos avises escribindo ao correo-e: reservasalondolibro@gmail.com indicando a actividade, día e hora. As persoas que non xustifiquen ou avisen da súa ausencia deberán agardar unha semana para volver reservar nas actividades do Salón. Moitas grazas!