Cociñar e xogar: galletas de cacao

De 4 a 10 anos
Duración aproximada: 50 min.
—– —–
Facer unha masa moldeable coa que xogar a facer formas, incentiva a nosa imaxinación e sempre nos presta, pero se ademais é comestible, entón xa é a bomba! Vide cociñar, xogar e degustar estas deliciosas galletas de cacao. Farásevos a boca auga con cada dentada! Un xogo que sempre nos entretén é o agocho, pero esta vez teremos que esconder a un león. Atrevédesvos? Pois non vos perdades esta divertida historia. 

OLLO, ATENCIÓN, MOI IMPORTANTE!
O día da actividade haberá prazas físicas dispoñibles no espazo onde se desenvolva. Para asegurar a túa praza, recomendámosche que a reserves anticipadamente a través da nosa web. Se despois de reservar non podes vir, agradecémosche que nos avises escribindo ao correo-e: reservasalondolibro@gmail.com indicando a actividade, día e hora. Moitas grazas!