Os plásticos afogan os océanos, a terra… o planeta. Hai de máis é os nenos e nenas din basta!  No obradoiro ambiental que promove a Rede de Escolas Asociadas da UNESCO, e guiado polo equipo de monitorado do Salón, convídase aos asistentes a deseñar e crear a Plastiquina, a futura mascota que viaxará polo mundo adiante -de escola en escola-  concienciando á mocidade, e aos maiores, sobre a necesidade de reducir o uso do plástico. Ademais escribirán unha carta de compromiso co planeta. Neste obradoiro tamén cabe a música e o baile, ao son do himno Desplastifícate! que porá na pista ao público familiar que asista á actividade.

O obradoiro vai dirixido a un público familiar. Ten cabida limitada.