De 7 a 12 anos. Reserva a túa praza en: info@tallerabierto.gal
Este obradoiro creativo emprega as ferramentas da arquitectura para iniciar dinámicas de participación e opinión onde nenas e nenos farán propostas para a contorna máis próxima reflexionando sobre o espazo e facendo os seus propios proxectos. A imaxinación e a inventiva serán o fío condutor dun obradoiro que suliña a importancia e o valor da particular visión da cidade e doutros asuntos de interese xeral de nenas e nenos, a cal debería ser tida en conta dentro das comunidades pola súa frescura, sinceridade e espontaneidade.
