Vivir da creación. O día a día do/a ilustrador/a freelance e dos ilustradores en xeral: retos, oportunidades, sinerxías.  O Salón acolle o Encontro profesional de Ilustración promovido polo AGPI  (Asociación Galega de Profesionais da Ilustración ).  Neste encontro:

• falarase da Guía Ninja. Guía de supervivencia para creadores freelance. A Guía Ninja do Ilustrador é unha campaña da AGPI que quere achegar información práctica sobre os aspectos legais, profesionais e de mercado nos que se desenvolve actualmente a ilustración. O Decálogo Ninja é unha serie de 10 artigos temáticos sobre os retos e os perigos profesionais que rodean actualmente aos creadores gráficos freelance.
• debaterase  sobre Un ilustrador na miña cidade. Crear comunidade,  mesa redonda na que estarán Berto Fojo, Natalia Umpierrez e Diego Estebo. Modera o debate Bea Lema. Como entenden os profesionais o asociacionismo e  como é traballar desde Galicia nun mundo global.

Inscrición a través do enderezo: ponteilustra@gmail.com

+ inf. Guía Ninja. Guía de supervivencia para creadores freelance