Entre contos e cantigas

Actividade dirixida a crianzas de até 3 anos de idade que virán  acompañadas dunha persoa adulta.  A sesión deberán seguila preferentemente dende o colo da nai, pai ou a persoa que o/a acompañen.

Contaremos pequenas historias encadeadas con cancións, ditos e xogos da nosa tradición e tamén algunha composta adrede para esta función. 
De 0 a 3 anos.

OLLO, ATENCIÓN, MOI IMPORTANTE!

Cada persoa debe ter unha entrada, independentemente da súa idade. Cada bebé debe ir acompañado/a dunha (1) soa persoa adulta acompañante.

O día da actividade haberá prazas físicas dispoñibles no espazo onde se desenvolva. Para asegurar a túa praza, recomendámosche que a reserves anticipadamente a través da nosa web. Se despois de reservar non podes vir, agradecémosche que nos avises escribindo ao correo-e: reservasalondolibro@gmail.com indicando a actividade, día e hora. Moitas grazas!