O cuco

Espectáculo para crianzas de 0 a 3. Entradas en Ataquilla.com | Prezo: 3€

Das cabeciñas de Marcelo Dobode e Bea Martínez, e das súas experiencias no mundo da educación musical dirixida á infancia, nace este obradoiro-espectáculo no que a cativada e as persoas maiores aprenden, gozan e descobren o mundo das percusións e da arpa neste fermosísimo proxecto musical.
O cuco busca alimentar e desenvolver o ritmo que todas e todos levamos dentro e resulta fundamental para facer medrar a nosa capacidade neuronal, axudando á psicomotricidade e á coordinación.
Utilizaremos bailes, cantos e arrolos para que experimenten as sensacións, vibracións e movementos que se producen ao cantar e bailar, desenvolvendo a capacidade expresiva e creativa.