Para lerte mellor

Raquel Queizás vén coa maleta cargada de historias para nos contar no Salón. Animais que falan, paisaxes fabulosos, soños, bruxas, feitizos, seres fantásticos… calquera deles e delas pode ser protagonista. Queres coñecelos? Achégate a nosa Biblioteca a escoitala!

Público familiar. Acceso libre ata completar cabida

——- ——- ——-

Raquel Queizás

“Son actriz, monicrequeira, filóloga, e sobre todo, contadora de historias. O meu repertorio inclúe contos tradicionais, lendas de cada recuncho, adaptacións de contos de autor e historias propias. Nos meus espectáculos o público é un elemento fundamental, grandes e cativos entran a formar parte da historia. Nas miñas montaxes a participación activa e o humor son pezas clave. Quizais fose polos contos que me contaba a miña avoa (porque a memoria dos antepasados non só é vida, senón sabiduría pura), quizais porque a nena que levo dentro segue soñando con ese mundo de fantasía, fose como fose, os contos forman parte da miña vida persoal e profesional dende fai vinte anos”.

www.raquelqueizas.com