Unha charla en italiano para mergullarse, implementar ou practicar a lingua do país convidado ao Salón. É a proposta deste obradoiro de portas afora, organizado pola Asociación MATER LINGUA e dirixido a un público adulto. Frases e expresións propias do idioma serán a escusa para profundar no coñecemento da lingua e para convidar á participación activa do que pretende ser un diálogo lúdico, que chegará até onde queiran os asistentes.

A cita convócase nun restaurante do centro da cidade  e para participar nela hai que inscribirse no seguinte enderezo: materlingua.wordpress.com