Salón de marabillas salvaxes

A cerva Clementina e a raposa Livia volven ao Salón con novas historias e novas cancións. Mais desta volta non só estarán acompañadas da banda dos gatos salvaxes, na que o jazz corre polas poutas de Tilín, Chusón e Mijau -bestas pertencentes ao Seminario Permanente de Jazz de Pontevedra-, senón que outros moitos animais se unen á festa para demostrar que a arte e a creatividade non son algo único e exclusivo das persoas humanas, xa que na vida salvaxe hai tamén moito enxeño. As bestas que participan deste gabinete de marabillas traerán contos, música, danza e moitas ganas de festexar esta nova edición do Salón!  

Presentan: María Lado e Lucía Aldao (AldaoLado)
Participan: Seminario Permanente de Jazz; Coro da Xunqueira, Alba Troiteiro, Ballet de Galicia, Isaak Aranberri e Andrea García.

Espectáculo de balde. Reserva a túa entrada en www.ataquilla.com
Público familiar e nenos e nenas a partir de 5 anos

Logo da inauguración abriremos as portas do Salón para facer unha visita libre pola Sala de Exposicións.