Que pode saír da maña e a imaxinación dunha crianza? Que flores reais ou soñadas poden chegar a deseñar e crear? Ímolo ver neste obradoiro artístico coordinado pola Asociación MATER LINGUA. Todo o necesario estará enriba da mesa:  o  material de papelería (cartolinas de cores, papel de seda, paliños de madeira, pegamento papel crepé…), as ideas na cabeza dos participantes e a arte nas súas mans.

O obradoiro vai dirixido a nenas e nenos de 4 a 10 anos e estará guiado por Francesca Verde, Claudia Loddo e Ornella Fornari. Ten cabida limitada.