Canto e conto

Como se fora unha verbena. Así estivo esta mañá o anfiteatro que ten o Salón no Recinto Feiral. As familias non pararon de mover as cinturas e dar palmas en ningún momento. O responsábel deste frenesí de alegría foi Paco Nogueiras, que presentou o seu espectáculo musical C@nto contigo. Nogueiras fixo un repaso por cancións infantís moi especiais como «Un mundo entero por viaxar», que acompañou cun acordeón que fixo as delicias de todo o anfiteatro.