Momo esgota as entradas

Cheo. Así estivo o auditorio do Pazo da Cultura pola estrea da obra de teatro «Momo», da compañía Anna Roca. A protagonista da obra é unha nena que posúe a marabillosa cualidade de saber escoitar os demais e que desexa axudar á xente a humanizar as súas vidas. E máis aínda cando os homes grises deciden apoderarse dun dos bens máis prezados que posúen as persoas: o seu tempo. Porque o tempo é vida. E a vida reside no corazón.