A hora do conto. Media cara

A partir de 5 anos Reserva a túa praza!

O día da actividade haberá prazas presenciais dispoñibles no espazo onde se desenvolva. Para asegurar a túa praza, recomendámosche que a reserves anticipadamente a través da nosa web. Se despois de reservar non podes vir, agradecémosche que nos avises escribindo ao correo-e: reservasalondolibro@gmail.com indicando a actividade, día e hora. As persoas que non xustifiquen ou avisen da súa ausencia deberán agardar unha semana para volver reservar nas actividades do Salón. Moitas grazas!

As prazas reservadas anticipadamente gardaranse ata 5 minutos antes do comezo de cada actividade. No caso de non estar presente nese momento, darase paso ás persoas en listaxe de agarda perdendo a praza reservada con anterioridade.

Os monstros están presentes no noso día a día e prodúcennos terror porque nos privan da nosa liberdade con invasións, destrucións e morte, e é por iso que os tememos. Tamén habitan nos contos, aí con figuras polimorfas que ás veces son simbólicas, as personaxes protagonistas desas historias téñenlle moito medo pero o bo dos contos é que dotan a eses protagonistas de intelixencia e astucia para podelos vencer. Contaremos contos con monstro e faremos o noso propio monstro. Un ben especial: terá media cara.