Basbousa ou namora

Obradoiro de cociña con Reviravolta

Destes doces árabes de sémola hai moitas versións. É unha sobremesa cunha textura suave e húmida, cuberta por ater, que é un sirope ou almibre de azucre doce usado para bañar sobremesas e feito a base de auga, azucre e limón… Nalgunhas receitas incorpórase coco e pistacho. Podedes imaxinar algo máis zumarento e saboroso? Nós non, vánvolo a quitar das mans! 

De 4 a 10 anos

OLLO, ATENCIÓN, MOI IMPORTANTE!
As reservas para este obradoiro activaranse o 11 de marzo ás 17.00 h

O día da actividade haberá prazas presenciais dispoñibles no espazo onde se desenvolva. Para asegurar a túa praza, recomendámosche que a reserves anticipadamente a través da nosa web. Se despois de reservar non podes vir, agradecémosche que nos avises escribindo ao correo-e: reservasalondolibro@gmail.com indicando a actividade, día e hora. As persoas que non xustifiquen ou avisen da súa ausencia deberán agardar unha semana para volver reservar nas actividades do Salón. Moitas grazas!

Se a demanda de prazas supera as dispoñibles farase un sorteo entre as persoas presentes antes do comezo do obradoiro. Para o sorteo repartiranse os números 10 minutos antes da hora na que estea programado o inicio da actividade.