Entre letras e notas: Nadando na incerteza

Encontro con SÉS guiado pola xornalista Teresa Cuíñas para falar do novo traballo da artista.

Nadando na incerteza preséntase en formato libro-disco. Trátase dunha edición coidada que combina música e palabra para ofrecer unha experiencia completa deste novo traballo de SÉS. As 13 cancións que compoñen o álbum aparecen acompañadas por textos escritos pola autora, profundando no significado, no proceso creativo e no universo emocional de cada peza.
A edición en libro/CD está pensada para quen quere ir máis alá da escoita e mergullarse en profundidade no significado de cada tema.
Neste traballo, esencial e sen artificios, a canción ocupa o centro absoluto. Voces con peso, arranxos mínimos e unha produción depurada que reivindica a honestidade artística e a forza da melodía. Nadando na incerteza é un exercicio de madureza creativa no que SÉS asume a composición, produción, gravación e supervisión de todo o proceso, reafirmando a súa independencia e coherencia artística.

Público adulto.