Troca de Libros

Feira do libro usado cos centros escolares.
O sistema para participar consiste en achegar a calquera dos centros, libros de calquera tipo –agás enciclopedias, que non teñen saída– en estado aceptable para seren empregados por outras persoas, desde literatura infantil e xuvenil á de adultos, pasando por manuais de texto. A cambio, estas persoas recibirán uns vales que poderán empregar nesta xornada para canxear por outros libros. Tamén estará dispoñible a Troca Express, unha das novidades desta edición. Ademais dos libros entregados polos centros educativos participantes, poderase facer un intercambio directo de libro por libro ao estilo bookcrossing e ata o 7 de maio.