A segunda xornada do Congreso de Mediación Lectora do Salón foi ben inspiradora! Saímos coas baterías ben cargadas coa enerxía contaxiosa da narradora e escritora Paula Carballeira, que nos falou do oficio de contar contos. María Xesús Fernández deunos valiosísimas pistas para coñecer e gozar os álbums en xeral e os “silent books” (álbums sen palabras) en particular. As irmáns Isabel e Ángeles Abelleira debullaron, desde a súa aplísima experiencia, a arte de ler desde unha perspectiva innovadora e rebeladora. Os artistas e docentes Vicente Blanco e Salvador Cidrás amosaron como pintar o mundo explorando a creatividade sen límites e sen prexuízos.
A xornada foi moderada e presentada pola artista e docente Carmen Hermo. Moita enerxía e moitas ideas e propostas levamos nas nosas mochilas para conseguir que a rapazada goce dos libros e da lectura con todos os sentidos.
